11-328378      info@tse-pu.mn
link 1
link 2
link 3

Хөвчрөлийн хямрал буюу бэлгийн сулрал

Эрчүүдийн бэлэг эрхтэн хөвчрөхгүй байх, хөвчирсөн ч дорхноо буух, хэт түргэн дур тавих, эсвэл дур тавихад үүсэх хүндрэл зэргийг бэлгийн амьдралын хямрал гэж  нэрлэж болно. Гэхдээ сексийн хувьд хүндрэл байна уу,? хэт түргэн эсвэл удаан дур тавьж байна уу? гэдгийг ямарваа нэг гадны хэмжүүрээр бус бэлгийн харьцаанд орж буй хүмүүс өөрсдөө тодорхойлдог.
Олонхи эрчүүдийн хувьд хөвчрөлтийн хүндрэл, түргэн эсвэл удаан тавих нь ердөө л хэвийн үзэгдэл. Энэ нь дахин дахин гарах тохиолдолд хосуудын хэн нэг нь “хүндрэл” үүслээ хэмээн үздэг.
            Эрэгтэй хүний бэлэг эрхтэн хөвчрөхгүй хөвчирсөн боловч түргэн буух үзэгдэлийг хөвчрөлтийн хямрал гэнэ.  Зарим эрчүүд сексийн дуршил багатай байх нь бий. Яг л эмэгтэйчүүдийн адил хань ижлийнхээ хэт их бэлгийн амьдралын дур хүслээс болж сэтгэл санааны дарамтанд орох ямар хүнд байдгийг зарим эрчүүд сайн мэднэ. Дээрх хүндрэлүүд нь төрөл бүрийн өвчин эмгэг, эм тариа, гэмтэл, согог зүйн янз бүрийн асуудлуудаас болж үүсч болно. Тухайлбал сэтгэл санааны хямралаас болж ихэнх эрчүүдийн хувьд ямар нэгэн хэмжээгээр хөвчрөлтийн хүндрэл учирдаг.
           Сэтгэл санааны хямрал байнга давтагдваас секс хийх болоход сэтгэцийн цочролд орж улмаар хөвчрөлт саадахад хүрнэ. Зарим эрчүүдийн хувьд тодорхой нэг нөхцөл байдалд, эсвэл тодорхой нэг хүмүүстэй хамт байх үед хөвчрөлийнн хүндрэл үүсдэг. Гэр бүлийн дотор хэрүүл тэмцэлтэй байх үед хөвчрөлийн хүндрэл үүсэх боловч тухайн орчноосоо хол байхад зүгээр байх тохиолдол бий.
           Ядаргаа нь хөвчрөлтийн хүндрэл үүсэх нийтлэг шалтгааны нэг. Ядаргаа дан ганц бие махбодийн хямрал бус түүнчлэн сэтгэл санааных байдаг. Цөөн бус тохиолддог асуудлын нэг нь бэлгийн хавьтлыг жигшин зэвүүцэх үзлээс үүддэг. Энэ нь бага насандаа хүчирхийлэлд өртсөн хатуу чанга шашний хүрээнд өссөн зэрэг шалтгаантай байх нь түгээмэл. Түүнчлэн олон төрлийн эм тариа, ялангуяа цусны даралт хянах эм бэлдмэлүүд, эстрогенүүд хорт хавдрын эсрэг эмүүд, седатив, тайвшруулах эмүүд кокайн зэрэг нь хөвчрөлтийн хүндрэл болдог шалтгаан болдог.
            Хэрэв эрэгтэй хүний бэлэг эрхтэн өмнө нь байнга хэвийн хөвчрөлттэй байсан атал гэнэт хөвчирхөө больвол энэ нь мэдрэлийн болон дааврын хямрал, цусны эргэлтийн асуудал, эсвэл архи, тамхи, эм бэлдмэл хэрэглэсэнтэй шууд холбоотой байж болох талтай. Харин бэлэг эрхтэн чинь хөвчирч байгаа боловч урьд өмнөхийн адил хатуу, урт хугацааных биш байвал энэ нь яах аргагүй цусны эргэлттэй холбоотой.
             Өнөөдөр хөвчрөлтын хүдрэл түргэн дур тавилт, хэт удаан дур тавилт зэргийн аль аль нь бүрэн эмчлэгдэх асуудал болсон. Өөрөөр хэлбэл орчин үеийн эм бэлдмэл, эмчилгээний техникийн дэвшил нь бэлэг эрхтний хөвчрөлийн хүндрэлийн 90 гаруй хувийг шийдвэрлэж чадах болсон.
Бэлгийн сулрал гэж юу вэ? Тvvний шалтгаан? Бэлгийн сулралаас хэрхэн сэргийлэх вэ? Бэлгийн сулралтай хvнийг эмчилж болох уу? гэх зэрэг өдий төдий асуулт гарч ирдэг. Бэлгийн сулрал гэдэг бол эрэгтэй хvн хурьцал vйлдэж чадахгvй байхыг хэлнэ.
Vvнийг анагаах ухаанд "импотенция" гэж нэрлэдэг. Бэлгийн сулрал нь бэлэг эрхтний хөвчрөлт сулрах буюу хөвчрөхөө болих, эсвэл vрийн шингэнээ тvргэн алдах гэсэн vндсэн хоёр хэлбэрээр илэрнэ. Эдгээр нь дангаараа юм уу эсвэл нэг нь нөгөөтэйгээ хавсарч тохиолдож болно.
Бэлгийн сулралын хамгийн гол шалтгаан нь сэтгэлийн хямрал /80,6 хувь/ болохыг сvvлийн vеийн судалгаа харуулж байна.
Бэлгийн сулрал нь сэтгэлийн шалтгаант өвчнvvд, тухайлбал мэдрэлийн ядаргаа, сэтгэл гутрал, зvрх, бөөрний өвчин, сvрьеэ, чихрийн шижин, шээс бэлгийн замын архаг өвчнvvд, ходоод гэдэсний болон арьс өнгөний зэрэг олон өвчний vед тохиолдоно. Тvvнчлэн тархи, толгой, нуруу нугасны гэмтэл, бэртэл, нойр алдах, витамин дутагдах, дотоод шуурлийн булчирхайн өвчнvvд зэрэг нь бэлгийн сулралыг vvсгэж болно.
Бэлгийн сулралтай эрчvvд эдгэшгvй хvнд өвчин эмгэг туссан мэтээр ойлгон шаналж, сэтгэлээ онгойлгох гэж архи дарс ууж, тамхи тэтах нь тvvний эрvvл мэндэд улам хор хvргэнэ. Архи, тамхи бол бэлгийн vйл ажиллагаанд vлэмж муугаар нөлөөлөөд зогсохгvй, эмчлэхэд ч төвөг учруулдгийг анхаар.
                 Бэлгийн сулралгvй атлаа өөрийгөө ийм сулралтайд тооцдог гэнэн хvмvvс бидний амьдралд цөөнгvй таардаг. Тэд өөрсдийгөө ямагт голж чамлахаас гадна бэлгийн vйл ажиллагаандаа хэт өндөр шаардлага тавьж, бэлгийн чалхаа өрөөл бусадтай харьцуулан, улмаар тэднээс дорд vзэж бэлгийн сулрал гэсэн "онош" өөрсдөө тавих нь бий.
Мөн доороосоо даарснаас бөөр, шээс боловсруулах эрхтнvvд нь муудсан байх нь тvгээмэл бөгөөд бvгдээс болж эрчvvд бэлгийн сулралд орох аюултай.
Гэсэн хэдий ч ихэнх тохиодлолд бэлгийн сулрал нь эмчилгээ авдаг өвчин юм.






Бэлгийн-сулрал

         Эрчүүдийн бэлэг эрхтэн хөвчрөхгүй байх, хөвчирсөн ч дорхноо буух, хэт түргэн дур тавих, эсвэл дур тавихад үүсэх хүндрэлийг хөвчрөлийн хямрал буюу бэлгийн сулрал  гэж  нэрлэж болно.Бэлгийн ажил нь бэлгийн дуршил (либидо), энхрийлэл, хөвчрөл(эрекци),бэлэг эрхтэн оруулах(пенетраци),минутанд хэдэн арван удаа хөдөлөх(фрикци),үрийн шингэн гадагшлуулах (эякуляци),дур тавих (оргазм) гэсэн хэсгүүдээс тогтно.Эдгээр хэсгүүдийн аль нэг нь доголдвол бэлгийн үйл ажиллагаанд өөрчлөлт орж мөн бусад хэсгүүдэд нөлөөлнө.Энэ нь хөвчрөлийн юмуу үрийн шингэн гадагшлуулах өөрчлөлтөөр илэрнэ.Бэлгийн сулрал нь ихэвчлэн бие даасан хэлбэрээр биш бусад өвчнүүдтэй дагалдан үүссэн байдаг. Жишээ нь (диабет),сахарын өвчин,дааврын дутагдал (гипогонадизм), төмсөг ба өнчин тархны үйл ажиллагаа алдагдсанаас цусан дахь тестостерон даавар буурсанаас их тархины бэлгийн үйл ажиллагаа хариуцсан хэсэгт үүссэн хавдар, цус харвалт,гэмтэл эсвэл урологийн буюу шээс бэлгийн замын өвчнүүд,зүрх судасны өвчнүүд болон ишемийн  өмнөх  шинж тэмдэгээр илэрдэг.Мөн тамхинаас болж бэлгийн сулралд орсон эрчүүд олширч байна.
       Дэлхийн Эрүүл Мэнидийн Байгууллагын тодорхойлсноор хэвийн бэлгийн ажил хийх хэмжээнд шодой байнга эсвэл заримдаа хөвчирч хөвчрөлөө хадгалж чадахгүй байхыг хөвчрөлийн хямрал гэнэ.Бэлгийн ажил хийх гэсэн орлдлогуудын 25 -иас дээш хувьд нь бэлгийн ажил хийж чадаагүй,хөвчрөөгүй бол дээрх онош тавигдана.Бэлгийн сулрал үүсэх шалтгаан нь бие мах бодийн болон сэтгэл зүйн гаралтай байдаг. Мөн энэ хоёр шалтгаан хавсарсан байх нь маш элбэг тохиолддог.Ихэнх эрчүүд бэлгийн сулралаа сэтгэл санаа, стресстэй хамааралтай гэж үздэг бол бэлгийн сулралын шалтгааны 80 % нь бие мах бодийн ямарваа нэгэн өвчнөөс болж үүссэн байдаг.                Сахарын өвчин (диабет), зүрх судасны өвчнүүд,мэдрэлийн өвчнүүд,дааврын өөрчлөлт,аарцаг нуруу болон тархны гэмтэл,аарцаг, цавь орчимд хийгдсэн хагалгаанууд мөн зарим эмийн гаж нөлөөнөөс болж бэлгийн сулрал үүсч болно. Зарим эрчүүд нас ахихаар бэлгийн сулрал үүсдэг гэсэн буруу ойлголттой байдаг. Насжилт нь бэлгийн сулрал үүсэхтэй холбоогүй. Нас ахих тусам элдэв өвчнүүд үүсэх магадлал нэмэгддэг.Харин өвчлөл бол бэлгийн сулралын жинхэнэ шалтгаан юм.Амьдралын буруу хэв маяг, хорт зуршил, хөдөлгөөний дутагдал,байнга суугаа ажил амьдрал,компьютер зурагт их үзэх,машин удаан хугацаагаар барих,архи тамхины их хэрэглээ, сэтгэл зүйн дарамт, стресс зэрэгтэй холбоотой.
Бэлгийн сулралаас урьдчилан сэргийлэлт
1.    Амдралын зөв хэв маяг баримтлах(тогтмол эрүүл зөв хооллох,спортоор хичээллэх,эрүүл мэнддээ анаарал тавих)
2.    Архи,тамхи,хар тамхи хэрэглэхгүй байх
3.    Бэлгийн сулрал үүсгэдэг эмүүдийг хэрэглэхгүй байх шаардлагатай бол эмчийн заавраар уух,(хорт хавдрын , сэтгэцэд нөлөөтэй ,даралтын эмүүд)
4.    Бэлгийн тогтмол харьцаатай байх. Хэт удаан хугацаанд бэлгийн ажил хийхгүй байх эсвэл хэт их бэлгийн ажил хийх нь ижил сөрөг нөлөөтэй. (Хувь хүний онцлогоос хамаарч бэлгийн ажил хийх давтамж харилцан адилгүй байдаг. Зарим хүн өдөр бүр бэлгийн ажил хийх нь хэвийн бол зарим нь 7 хоногт 2 удаа хийх нь хэвийн байх жишээтэй)
5.    Хэрэв та аарцаг, цавь орчимдоо гэмтэл авч байсан эсвэл хагалгаанд орох шаардлагатай , сахарын өвчтэй (диабет),даралт ихэсдэг бол эмчээс заавал бэлгийн сулралаас урьдчилан сэргийлэх  зөвөлгөө авах хэрэгтэй.
6.    Ажил, амьдралын стресс,хосуудын хоорондын тааламжгүй харьцаа,сексийн амьдралын үл ойлголцол,залуучуудын өөртөө итгэлгүй байдал нь бэлгийн ажил хийхээс бүр айдаг болж өөрийгөө гүн хямралд оруулдаг.